Ng Dahil Sayo...

Sa totoo lang, binili ko lang to dahil may HD (Hinayupak na Damdamin) talaga ako sa isa sa mga manunulat ng librong ito. Sa totoo lang din, balak ko lang talagang basahin ung mga sinulat lang nyang kwento pero naisip ko pag nalaman nyang un lang ang binasa ko (kunyare may pake siya) sasabihin nun sayang ang pinambili nito at saka dapat pag bumibili ka ng libro, lahat ng pahina babasahin mo kasi hindi mo malalaman kung bakit un ang title ng libro kung di mo babasahin ng buo. Oo nga pala ang title ng libro ay, Ang Mga Kwento Ng Mga Supot Sa Panahon Ng Kalibugan. At dahil sa librong ito, pati narin ung nauna nilang libro na OXYMORON Kung Paano Magsalita ang mga Walang Sinasabi,nainspire akong magblog muli, ng mga nangyayare lang sa pang araw-araw na buhay, mga karanasan, kalokohan, katangahan, at kung ano ano pa. Kaya mabuhay ang librong ito! Marahil may mga hindi din magagandahan sa mga nakasulat sa librong ito, un ung mga hindi alam tumawa at maging masaya, ung sarado ang isip sa iba't-ibang pananaw ng tao, kumbaga sila ung mga taong hirap na hirap dumumi pero tahimik pa din, ayaw umire. Pero para sa katulad ko, na kinikilig kilig pa sa pinagsasabi ng isang manunulat dito, enjoy ko to syempre! hindi lang dahil sa may HD (Hinayupak na Damdamin) ako sa kanya, Kundi dahil narealize ko na maganda ang mga contents ng libro. Nakakatawa siya OO, pero maraming realization na tama nga naman!